പറവൂര്‍: പറവൂരിൽ 64 കുപ്പി വിദേശമദ്യവുമായി യുവാവ് എക്സൈസിന്റെ പിടിയില്‍. ഗോതുരുത്ത് പഞ്ഞം കവലയില്‍ കാട്ടാശ്ശേരി വീട്ടില്‍ സന്ത്യാവിന്റെ മകന്‍ സജുവാണ് (32) അറസ്റ്റിലായത്. പറവൂര്‍ എക്സൈസ് സി.ഐ എസ്. നിജുമോന് ലഭിച്ച രഹസ്യവിവരത്തെത്തുടര്‍ന്ന് പ്രതിയുടെ വീട്ടില്‍ നടത്തിയ പരിശോധനയിലാണ് വിദേശമദ്യം കണ്ടെത്തിയത്.
ഗോതുരുത്ത് തെക്കേകടവ് റോഡില്‍ മദ്യപന്മാരുടെ ശല്യം കൂടിവരുന്നതായുള്ള പരാതി ഈയടുത്ത് ഉയർന്നുവന്നിരുന്നു. ലോക് ഡൌൺ സമയത്തും ബിവറേജസ് ഔട്ട്ലറ്റുകളില്‍നിന്നും അധിക മദ്യം വാങ്ങി വില്‍പന നടത്തിയിരുന്നതായി പ്രതി എക്സൈസിനോട് വെളിപ്പെടുത്തി. പ്രതിയെ റിമാന്‍ഡ് ചെയ്തു.
