ലക്ഷദ്വീപ് അഡ്മിനിസ്‌ട്രേറ്ററെ തിരിച്ചുവിളിക്കണമെന്ന് ആവശ്യപ്പെട്ട് രാഷ്ട്രപതിക്ക് ഒരു ലക്ഷം മെയില്‍ അയക്കാന്‍ ഡി.വൈ.എഫ്.ഐ

News Politics

ലക്ഷദ്വീപില്‍ ജനാധിപത്യം പുനര്‍സ്ഥാപിക്കണമെന്നും അഡ്മിനിസ്‌ട്രേറ്ററെ തിരിച്ചുവിളിക്കണമെന്നും ആവശ്യപ്പെട്ടുകൊണ്ട് രാഷ്ട്രപതിക്ക് ഒരു ലക്ഷം മെയില്‍ അയക്കാന്‍ ഡി.വൈ.എഫ്.ഐ. സംഘടനയുടെ അഖിലേന്ത്യാ പ്രസിഡന്റും പൊതുമരാമത്ത് മന്ത്രിയുമായ പി എ മുഹമ്മദ് റിയാസ് ഡി.വൈ.എഫ്.ഐ ക്യാമ്പയിന്‍ നിര്‍വ്വഹിക്കും. ലക്ഷദ്വീപില്‍ ജനാധിപത്യം സ്ഥാപിക്കണമെന്നും ജനവിരുദ്ധ നിയമങ്ങള്‍ റദ്ദ്‌ചെയ്ത്, ജനാധിപത്യ വിരുദ്ധ നിയമങ്ങള്‍ നടപ്പിലാക്കിയ അഡ്മിനിസ്‌ട്രേറ്ററെ തിരിച്ചുവിളിക്കണമെന്നും ഡി.വൈ.എഫ്.ഐ ആവശ്യപ്പെടടുന്നു. ഇതിന്റെ ഭാഗമായാണ് ഇന്ത്യന്‍ പ്രസിഡന്റിന് ഡി.വൈ.എഫ്.ഐ ഒരു ലക്ഷം ഇ-മെയിലുകള്‍ അയക്കുന്നത്.

അതേസമയം രാജ്യവ്യാപകമായി ലക്ഷദ്വീപിലെ ഭരണപരിഷ്‌കാരങ്ങള്‍ക്കെതിരെ പ്രതിഷേധം ഉയര്‍ന്നുകൊണ്ടിരിക്കുകയാണ്. കൊച്ചിയിലെ ഓഫീസിന് മുന്നില്‍ നിരവധി സംഘടനകളാണ് പ്രതിഷേധവുമായി എത്തുന്നത്. നിരവധി സമരങ്ങളാണ് ഇതിന് മുന്നില്‍ ഇപ്പോള്‍ നടന്നുകൊണ്ടിരിക്കുന്നത്. ഈ സാഹചര്യത്തില്‍ ദ്വീപുകള്‍, കപ്പലുകള്‍, കപ്പലുകളുമായി ബന്ധപ്പെട്ട പരിസരങ്ങള്‍ എന്നിവിടങ്ങളിലെല്ലാം കര്‍ശനമായ നിരീക്ഷണം ഉണ്ടാവണമെന്നാണ് സുരക്ഷാ ഉദ്യോഗസ്ഥര്‍ക്ക് നല്‍കിയിരിക്കുന്ന നിര്‍ദേശം. കപ്പലുകള്‍, ജെട്ടി, പോര്‍ട്ട്, പോര്‍ട്ട് പരിസരം എന്നിവിടങ്ങളില്‍ പ്രത്യേകം നിരീക്ഷിക്കാനും ഈ ഉത്തരവില്‍ പറയുന്നുണ്ട്.

Leave a Reply

Your email address will not be published.