ബക്രീദ് പ്രമാണിച്ച് മൂന്നു ദിവസത്തേക്ക് നിയന്ത്രണങ്ങളിൽ ഇളവ്

Keralam News

തിരുവനന്തപുരം: സംസ്ഥാനത്ത് ലോക്ക്ഡൗൺ നിയന്ത്രണങ്ങളിൽ മൂന്നു ദിവസത്തെ ഇളവുകൾ പ്രഖ്യാപിച്ചു. ബക്രീദ് പ്രമാണിച്ചാണ് സംസ്ഥാന സർക്കാർ ഞായർ, തിങ്കൾ, ചൊവ്വ ദിവസങ്ങളിൽ ഇളവുകൾ വരുത്തിയത്. ഇളവുകൾ അനുവദിച്ചത് വ്യാപാരികളുമായുള്ള ചർച്ചയെ തുടർന്നാണ്.

ശനിയാഴ്ച്ച ലോക്ക്ഡൗൺ നിയന്ത്രണങ്ങളിൽ ഇളവുകളില്ല. അത് പഴേ പോലെ തന്നെ തുടരും. എ,ബി,സി വിഭാഗത്തിൽ ഉൾപ്പെടുന്ന മേഖലകളിൽ ചെരുപ്പ് കട,ഫാൻസി ഷോപ്പുകൾ, ഇലക്ട്രോണിക് ഷോപ്പുകൾ, സ്വർണ്ണക്കട, തുണിക്കട തുടങ്ങിയവ ആവശ്യവസ്ത്തുക്കൾ വിൽക്കുന്നതിനോടൊപ്പം തുറക്കാനുള്ള അനുമതിയുണ്ട്. ഇവയ്ക്ക് തുറന്നു പ്രവർത്തിക്കാനുള്ള അനുമതി രാത്രി എട്ടു മണി വരെയാണ്.