പ്രവാസി ഇന്ത്യക്കാർക്ക് അഭിമാനമായി മലയാളി ദമ്പതികൾ

Keralam News Pravasi

മലപ്പുറം: സമൂഹ്യ ക്ഷേമ പ്രവർത്തനങ്ങൾക്ക്
യു എ ഇ സർക്കാർ നൽകുന്ന പരമോന്നത അംഗീകാരമായ ഗോൾഡൻ വിസ നൽകി ആദരിച്ചആദ്യ ദമ്പതികൾ മലപ്പുറത്ത് നിന്നുള്ള അബ്ദുൽ സലാം, ഫൈറൂസ് ദമ്പതികൾക്ക്. മലപ്പുറം കൊളത്തൂർ സ്വദേശി അബ്ദുൽ സലാം പള്ളിത്തൊടിയും പാണക്കാട് സ്വദേശിനി ഫൈറൂസ് നന്നമ്പറ്റയുമാണ് ഈ അപൂർവ്വ ഭാഗ്യം സിദ്ദിച്ച ദമ്പതികൾ. 12 വർഷമായി ഷാർജയിൽ സ്ഥിര താമസക്കാരായ ഇവരുടെ യു എ ഇ റെഡ് ക്രെസെന്റ് വോളന്റീയർ ആയി നിസ്വാർത്ഥമായ സേവനം മുൻ നിർത്തിയും പ്രതേകിച്ചു കോവിഡ് കാലത്തെ നിർഭയമായ ഇടപെടലുകൾ കണക്കിലെടുത്തുമാണ് യു എ ഇ സർക്കാർ ഈ അംഗീകാരത്തിനായി ഇവരെ തിരഞ്ഞെടുത്തത്. സമൂഹത്തിന്റെ നാനാ തുറകളിൽ നിന്നും അഭിനന്ദന പ്രാവാഹം ഏറ്റു വാങ്ങിക്കൊണ്ടിരിക്കുന്ന ഫൈറൂസ് കലാ രംഗത്ത് മികവ് തെളിയിച്ച പ്രതിഭയും തിരൂരങ്ങാടി പി എസ് എം ഒ കോളേജിൽ നിന്നു ചരിത്രത്തിൽ ബിരുദവും ബിരുദാനന്തര ബിരുദവും നേടിയിട്ടുണ്ട്. അബ്ദുൽ സലാം കാലിക്കറ്റ് യൂണിവേഴ്സിറ്റിയിൽ നിന്നും വാണിജ്യ ശാസ്ത്രത്തിൽ ബിരുദ ധാരിയാണ്.