നിലമ്പൂർ. മൂലേപ്പാടത്ത് വിൽപ്പനക്കായി കാറിൽ കടത്തികൊണ്ടു വന്ന 4.300 കി.ഗ്രാം കഞ്ചാവുമായി 3 യുവാക്കളെ നിലമ്പൂർ പോലീസും ഡാൻസാഫും ചേർന്ന് അറസ്റ്റു ചെയ്തു. എടക്കര ഇല്ലിക്കാട് സ്വദേശി കൊടക്കാട്ടകത്ത് റാബിദ്(22), എടക്കര ബാർബർമുക്ക് സ്വദേശി പുത്തൻകോട്ടിൽ സക്കീർ ബാബു(28), നാരോക്കാവ് കുന്നുമ്മൽ പൊട്ടി സ്വദേശി എടക്കണ്ടത്തിൽ ശ്രീജിത്(24) എന്നിവരെയാണ് എസ് ഐ എ.രാജൻ ഇന്നലെ രാത്രി 12.00 മണിയോടെ അറസ്റ്റു ചെയ്തത്. ഒഡീഷയിൽ നിന്നും ട്രെയിൻ മാർഗ്ഗമാണ് കഞ്ചാവ് എത്തിച്ചതെന്ന് പ്രതികൾ പോലീസിനോടു പറഞ്ഞു. റാബിദ് മുൻപ് കളവുകേസ്സിൽ ഉൾപ്പെട്ടയാളാണ്. ശ്രീജിത്തിനെതിരെ പോലീസുകാരെ ആക്രമിച്ച് പരിക്കേൽപ്പിച്ചതിനുൾപ്പെടെ കേസ്സുണ്ട്.
